TikTok wideo platformasy kontent awtorlary üçin hususy TikTok Awards baýragynyň döredilendigini mälim etdi. Bu barada platformanyň resmi saýtynda habar berilýär.
Baýragyň ilkinji gowşurylyş dabarasy 18-nji dekabrda ABŞ-da geçiriler. Ýaýlyma TikTok goşundysynda tomaşa edip bolar. Dabaranyň Ýuwaş umman wagty boýunça 18:00-da (Aşgabat wagty bilen ertesi gün 07:00) başlamagy meýilleşdirilýär.
Kompaniýada bellenilişi ýaly, baýrak bilen platformanyň awtorlary, trendleri we iň belli wakalary sylaglanar. Ýeňijileri TikTok ulanyjylary saýlar: ses berişlik 18-nji noýabrda başlar we 2-nji dekabra çenli dowam eder.
Jemi 14 kategoriýa göz öňünde tutulýar. “Ýylyň awtory” adyna @adamw, @alixearle, @brookemonk, @keith_lee125 we @kristy.sarah dalaş edýär. “Ýylyň öňegidişligi” kategoriýasynda @alexwarren, @katseyeworld, @laufey, @ravynlenae we @sombr bar. Şeýle-de, “Ýylyň wideosy”, “Ýylyň muzasy”, “Ýylyň gürrüňçisi” we beýleki üstünlikler üçin baýraklar gowşurylar.
Ozal Instagram kontent awtorlary üçin öz Rings baýragyny döredipdi. Ýeňijiler dizaýner Mark Jeýkobsdan, režissýor Spak Liden, bloger Murad Osmanndan we hudožnik Kaws-dan ybarat eminler tarapyndan kesgitlenýär.
