Britaniýaly aýdymçy we sazanda Robbi Uilýams özüni mebel dizaýneri hökmünde barlap gördi. Ol Niderlandlaryň MOOOI kompaniýasy bilen hyzmatdaşlykda “Introwertiň kürsüsini” döretdi. Awtoryň aýtmagyna görä, ol ýumşak we rahat bolup, onda oturan adam özüni biriniň gujagynda ýaly duýýar.
Aýratyn rahatlyk duýgusyny oturgyjyň arkasy bilen tirsekliginiň biri-birine geçip gidýän ýumşak çyzyklary, şeýle-de alpakanyň ýüňünden we pagtadan taýýarlanan material bilen örtülen ýumşak üsti döredýär.
“Seýrek haýallaýan dünýäde biz dynç almak üçin ýer barada ýygy-ýygydan pikir edýäris. Bu kürsi hem hut şeýle ýer” – diýip, Robbi Uilýams aýtdy we bu pikiriň sosial dartgynlylyk bilen göreşmek boýunça şahsy tejribesinden gelip çykandygyny belledi. Onuň aýtmagyna görä, “kürsi doly rahatlygy we asudalygy bermek bilen, sungatyň we dizaýnyň diňe bir giňişligi bezemekde däl, eýsem biziň hal-ýagdaýymyza täsir etmekde güýjüni görkezýär”.
MOOOI kompaniýasy Uilýamsyň “rahatlygy we imi-salalygy wasp edýän dizaýnerlik sungatynyň eseri bilen dünýäni geň galdyrandygyny” belledi. Täze kürsiniň bahasy 4395 dollar.
