Aşgabat atçylyk sport toplumynda güýzki at çapyşyk möwsümi jemlendi

  • 05.11.2025 11:03
  • 2.8k+

Aşgabat atçylyk sport toplumynda güýzki at çapyşyk möwsüminiň jemleýji çapuwlary geçirildi. Bedewler dürli aralykdan on gezek çapuwa goşuldy diýlip, "Türkmenistan" gazetinde habar berilýär.

Güýzki möwsümiň ýapylyşy mynasybetli guralan at çapyşyklary ikiýaşar atlaryň 1000 metr aralykdaky ýaryşy bilen badalga aldy. Şeýlelikde,

  • Birinji çapyşykda ýeňiş ugrundaky ýaryş Türkmenistanyň Prezidentiniň Ahalteke atçylyk toplumyna degişli Gazaply atly al, Akylly atly dor atlaryň hem-de Alabahar diýen dor gysragyň arasynda boldy. Çapyşykda Türkmenistanyň at gazanan atşynasy M.Hojamuhammedowyň seýislän Gazaplysy (çapyksuwary P.Orazow) bellenen aralygy 1 minut 8,9 sekuntda geçip, iň gowy netijäni görkezdi.
  • Ikinji çapyşykda pellehana ilkinji bolup 1 minut 7,1 sekunt netije bilen «Nurana bedew» hususy kärhanasyna degişli bolan we B.Allanazarowyň ýaryşa taýýarlan hem-de geljegine uly umyt bildirilýän ýaş çapyksuwar Y.Allanazarowyň erk eden Aýsoltan diýen mele gysragy geldi.
  • Üçünji çapyşykda ýeňiş ugrundaky ýaryş Aşgabat şäheriniň Bagtyýarlyk etrabynyň «Akdaşaýak» ýaşaýyş jaý toplumyna degişli Atylar diýen dor at bilen M.Mätiýewiň hojalygyna degişli Messan diýen dor gysragyň arasynda boldy. Netijede, halypa seýis H.Babalyýewiň çapuwa taýýarlan we S.Atajanowyň çapyksuwarlyk etmeginde ýaryşa goşulan Atylar 1 minut 7,5 sekuntda pellehanadan geçip, çapyşygyň ýeňijisi boldy.
  • Dördünji çapyşykda-da ikiýaşar saýlama atlar 1000 metrden ýaryşa goşuldylar. Netijede, pellehana ilkinji bolup M.Bäşimnyýazowyň hojalygyna degişli M.Orazowyň seýislän we üçünji derejeli çapyksuwar B.Berdimuhammedowyň çapyksuwarlyk eden Düşümli atly gurt mele gysragy geldi. Ol bellenilen aralygy 1 minut 9 sekuntda geçmegi başardy.
  • 1600 metr aralyga guralan bäşinji çapyşykda Türkmenistanyň Prezidentiniň Ahalteke atçylyk toplumyna degişli, Türkmenistanyň ussat halypa çapyksuwary A.Muhammedowyň seýislän we M.Kiçigulowyň erk eden Babyr diýen gara aty 1 minut 51,2 sekunt netije bilen pellehana ilkinji geldi.
  • Altynjy çapyşykda üçýaşar gysraklar üçin badalgadan pellehana çenli aralyk 1800 metre deň boldy. Bu çapyşykda Türkmenistanyň Prezidentiniň Ahalteke atçylyk toplumyna degişli, Türkmenistanyň at gazanan atşynasy M.Agamyradowyň çapuwa taýýarlan we Ş.Saryýewiň çapyksuwarlyk eden Mejally diýen mele gysragy 2 minut 7,3 sekunt netije bilen pellehana ilkinji bolup geldi. Mejallynyň esasy garşydaşy Akýyldyz diýen mele gysrak hem edil şol netijäni görkezdi.
  • Ýedinji çapyşykda «Türkmenstandartlary» baş döwlet gullugyna degişli, ussat seýis G.Agamyradowyň seýislän we B.Babaýewiň erk eden Ýadygär II diýen gyr aty pellehana ilkinji geldi.
  • Sekizinji çapyşykdan başlap, dört we ulyýaşar atlar çapuwa goşuldylar. Şeýlelikde, 1800 metr aralykdan ýaryşa goşulan bedewleriň arasynda Türkmenistanyň Prezidentiniň Ahalteke atçylyk toplumyna degişli bolan Gajar diýen dor at tapawutlanmagy başardy. Gajary Türkmenistanyň at gazanan atşynasy M.Agamyradow ýaryşa taýýarlapdyr. Oňa erk eden çapyksuwar R.Agamyradow.
  • Dokuzynjy çapyşykda aýlaw baglan dört we ulyýaşar atlar üçin badalgadan pellehana çenli aralyk 2200 metre deň boldy. Şeýlelikde, bu çapyşyk Türkmenistanyň Prezidentiniň Ahalteke atçylyk toplumyna degişli, Türkmenistanyň at gazanan atşynasy Ş.Agamyradowyň seýislän we ussat çapyksuwar B.Agamyradowyň erk etmeginde çapuwa goşulan Goçýigit diýen dor atyň ýeňşi bilen tamamlandy.
  • Jemleýji çapyşykda dört we ulyýaşar saýlama bedewler 2200 metr aralykdan ýaryşa goşuldylar. Çapyşykda Türkmenistanyň Prezidentiniň Ahalteke atçylyk toplumyna degişli bolan Dagbedew möwsümi ýeňiş bilen jemledi. Türkmenistanyň at gazanan atşynasy M.Agamyradowyň seýislän hem-de ussat çapyksuwar T.Babaýewiň erk etmeginde ýaryşa goşulan Dagbedew bellenilen aralygy 2 minut 32,4 sekuntda geçmegi başardy.

düýn 23:57
1.7k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

26.11.2025 10:39
4.4k+

9 altyn, 6 kümüş we 3 bürünç: Türkmen karateçileri Daşkentde geçirilen Aziýa çempionatynda üstünlikli çykyş etdiler

Türkmenistanyň milli ýygyndysy adaty karate boýunça Aziýanyň çempionatynda üstünlikli çykyş etdi. Ýaryş 2025-nji ýylyň 15–25-nji noýabry aralygynda Özbegistanyň paýtagty Daşkentde geçirildi. Türkmen türgenleri jemi 18 medala: 9 altyn, 6 kümüş we 3 bürünç medala mynasyp boldular...

25.11.2025 17:28
4.4k+

Türkmen tennisçileri Dewisiň Kubogy ugrundaky zolaklaýyn ýaryşyň ähli duşuşyklarynda ýeňiş gazandylar

Türkmen tennisçileri Dewisiň Kubogy ugrundaky zolaklaýyn ýaryşynda aýdyň üstünlik gazanyp, 2026-njy ýylda Aziýa we Okeaniýa zolaklarynyň IV toparynda çykyş etmäge hukuk gazandylar. Bu ajaýyp waka Isa-Taun şäherindäki...

25.11.2025 17:08
8.1k+

Türkmenistanly karateçi Ýaponiýanyň Maebasi şäherinde dünýä çempionatynda çykyş eder

Türkmenistanyň Kiokuşinkaý karate boýunça milli ýygyndysynyň agzasy Meýlis Paşagulyýew "The World Weight Kyokushin Karate Tournament – Japan 2025" dünýä çempionatyna gatnaşmak üçin Ýaponiýanyň Maebasi şäherine ugrady...