JD Power agentliginiň Hytaýdaky bölümi 2025-nji ýylyň benzin bilen işleýän iň ygtybarly awtoulaglarynyň reýtingini çap etdi.
Barlaga 2021-nji we 2024-nji ýyllar aralygynda awtoulag satyn alan 22 900 sürüji gatnaşdy. Bilermenler 38 markadan 166 modeli hereketlendirijiden we transmissiýadan başlap, elektronika we salon rahatlygyna çenli 177 sanly görkeziji boýunça bahaladylar.
Hytaý bazarynda iň ygtybarly marka hökmünde FAW Toyota ykrar edildi — her 100 awtoulagda 156 kemçilik (PP100). Onuň yzyndan Land Rover (157 PP100) hem-de GAC Toyota (158 PP100) gelýär. Şeýle hem ilkinji onluga Porsche, BMW, Changan Ford, GAC Honda, Mercedes-Benz, Audi we Buick girdi.
Hytaý brendleriniň arasynda Chery ilkinji orny eýeledi — 188 PP100. Ol Hongqi (192 PP100) we Geely (200 PP100) markalaryndan öňe geçdi.
Hünärmenler täze elektron ulgamlarynyň giňden ulanylmagy sebäpli benzinli awtoulaglaryň umumy ygtybarlylyk görkezijiiniň 197 PP100-e çenli pese düşendigini aýdýarlar. Awtoulag eýeleri köplenç multimediýa ulgamlarynyň titremesi we näsaz işlemegi bilen baglanyşykly şikaýat edýärler. Premium markalar has gowy netije görkezdi — 181 PP100, hytaýyň köpdürli öndürijileriniň ortaça görkeziji 221 PP100 bilen deňeşdirilende bu ep-esli tapawutdyr.
Kategoriýalar boýunça öňdebaryjy modeller:
Ykjam sedanlar:
- Chery Arrizo 5
- Geely Emgrand
- Jetta VA3
Has gymmat ykjam sedanlar:
- Toyota Corolla
- Toyota Levin
Lýuks ykjam sedanlar:
- Audi A3
- Mercedes-Benz C-Class
- BMW 3 Series
Ekonom klas sedanlar:
- Nissan Sylphy
- Nissan Tiida
- Buick Verano Pro
Has gymmat sedanlar:
- Volkswagen Lamando
- Chery Arrizo 8
- Geely Preface
Premium segment:
- Ford Mondeo
- Volkswagen Passat
- Toyota Avalon
Ykjam krossowerler:
- GAC GS3
- Geely Coolray
- Changan CS35 Plus
- Geely Coolray Cool
Orta ölçegli ekonom klas krossowerler:
- Geely Cityray
- Chery Tiggo 8
- Changan Uni-T
Has gymmat krossowerler:
- Chery Tiggo 8 Pro
- Toyota Frontlander
- Volkswagen T-Roc
