Gazagystan 2028-nji we 2029-njy ýyllarda Ýewropada üçünji uly klub ýaryşy bolan Konferensiýa ligasynyň finallaryny geçirmek üçin arza berdi. Olaryň geçirilip bilinjek ýerleri hökmünde Astanadaky we Almaatadaky stadionlar görkezildi. Olar 30,2 müň we 23,8 müň tomaşaça niýetlenýär. Ahyrky arzada diňe bir meýdança görkeziler diýip, Ýewropanyň futbol assosiasiýalarynyň birleşigi (UEFA) habar berdi.
Guramanyň metbugat relizinde gyzyklanma bildirilýändigi baradaky arzanyň hökmany däldigi, gutarnykly teklibiň 2026-njy ýylyň 10-njy iýunyna çenli doly resminama bilen iberilmelidigi bellenilýär.
2028-nji ýylda Konferensiýa ligasynyň finalyny geçirmäge Fransiýa (Lill, “Pýer Morua”), Wengriýa (Budapeşt, “Puşkaş Arena”), Italiýa (Turin, “Ýuwentus Stedium”) we Polşa (Gdansk, “Arena Gdansk”) hem dalaş edýär. 2029-njy ýylda finaly kabul etmäge Finlýandiýa (Helsinki, “Olimpiýa stadiony”) hem taýýar.
Mundan başga-da, UEFA beýleki ýewrokubok ýaryşlarynyň: Çempionlar ligasynyň, Ýewropa ligasynyň, zenanlaryň arasynda Çempionlar ligasynyň finallaryny geçirmek üçin 15 milli assosiasiýadan arza kabul etdi.
Şeýlelikde, 2028-nji ýylda Çempionlar ligasynyň finalyny geçirmäge Mýunhendäki Allianz Arena, 2029-njy ýylda Londondaky Wembley we Barselonadaky Camp Nou dalaş edýär.
