Iki ýyl arakesmeden soň 2026-njy ýylda “Ýewrowideniýe” aýdym-saz bäsleşigine Rumyniýa gaýdyp gelýär. Bu barada Rumyniýanyň TVR ýaýlymy habar berip, bu aralykda ýurduň içerki saýlama prosesini gowulandyrmagyň we ýokary hilli şüweleňi taýýarlamagyň üstünde işländigini belledi.
“Biz “Ýewrowideniýe” aýdym-saz bäsleşigine Rumyniýanyň gatnaşmagyny dikeltmegi teklip etdik, sebäbi sypdyrylan iki ýylda biziň has bäsdeşlikli saýlama prosesiniň we bäsleşigiň gerimine laýyk geljek şüweleňiň bolmagy üçin nämäni üýtgetmelidigimize has gowy düşünmäge wagtymyz boldy” – diýip, TVR-de bellendi.
Rumyniýa ýokary hilli milli saýlama bäsleşigini geçirip, ýubileý 70-nji “Ýewrowideniýe” üçin mynasyp wekili saýlamak isleýär.
Şeýle-de, habarda bäsleşige gatnaşmagyň toparlaýyn işdigi we ähli taraplaryň ýurduň iň gowy wekilçiligini üpjün etmek üçin tagallalary utgaşdyrmaga köp wagt sarp edendigi bellenilýär.
Rumyniýa “Ýewrowideniýede” ýeke gezek hem ýeňiş gazanmady we finala-da seýrek çykdy. Ýurduň iň gowy netijesi 2005-nji we 2010-njy ýyllarda üçünji orunlary eýelemegi boldy.
