Maserati kompaniýasy Italiýanyň polisiýasynyň Carabinieri bölüminiň hyzmaty üçin täze MC Pura superkaryny sowgat berdi. Ulag tutuş ýurt boýunça organlary we gany dessin eltip bermek üçin ulanylar.
Polisiýanyň talaplaryna laýyklykda, awtoulagyň üstüne we bamperlerine goşmaça LED yşyklar ornaşdyryldy. Şeýle hem lukmançylyk ýüklerini howpsuz daşamak üçin ýörite enjamlar goýuldy. Superkar polisiýanyň Carabinieri gatnaşygynyň ýörite liwreýasy — ak üçek, gyzyl zolaklar we gullugyň nyşany bilen bezeldi.
Maserati MC Pura şu ýylyň tomsunda tanyşdyrylypdy. Ulag uglerod süýümli monokok platformasynda gurlup, 3,0 litrlik turbo V6 hereketlendirijisi bilen enjamlaşdyrylandyr.
Kuwwaty — 630 at güýji, torky — 730 Nm.
Hereketlendiriji sekiz tizlikli, iki ssepleniýeli robotlaşdyrylan geçiriş bilen birleşdirilip, güýji yzky tekerlere geçirýär.
1475 kg agramy bilen superkar 2,9 sekuntda 0-dan 100 km/sag-a çykyp bilýär. Maksimal tizligi 320 km/sag-dan ýokary.
