Türkmenistanyň «Altyn Asyr» futbol kluby toparlaýyn tapgyryň üçünji duşuşygynda Omanyň «Al-Şabab» toparyndan 1:3 hasabynda ýeňlip, AFK Çagyryş Ligasynda çykyşyny tamamlady. Duşuşyk Butanda geçirildi.
Türkmen toparynyň düzüminde ýeke-täk goly 29-njy minutda Zafar Babajanow kelle urgusy bilen geçirdi. Ol goluny Kriştianu Ronaldunyň stilinde baýram etdi.
Oman toparyndan Hatem Al-Ruşadi dubl etdi (53-nji we 90+2-nji minutlar), ýene bir goly Hanaan Markne (45-nji minut) geçirdi.
Bu ýeňişden soň «Al-Şabab» 9 utuk bilen toparlaýyn tapgyry birinji ýerde tamamlap, çärýek finala çykdy. «Altyn Asyr» bolsa 6 utuk bilen ikinji orunda galdy we mundan beýläk bäsleşigi dowam etdirmek mümkinçiligini ýitirdi.
