Hytaý ekipažly Aý maksatnamasynyň üstünde işlemegini dowam etdirýär we 2030-njy ýyla çenli Aýa taýkonawtlary gondurmagy meýilleşdirýär. Bu barada HHR-iň Uçarmanly kosmos uçuşlary maksatnamasynyň edarasynyň resmi wekili Çžan Szinbo habar berdi.
Onuň aýtmagyna görä, eýýäm missiýanyň esasy komponentlerini – “Çançžen-10” raketa göterijisini, “Mençžou” gämisini, Aý skafandrlaryny, gonuş we gulluk modullaryny, şeýle-de Aýda ýöreýän enjamy taýýarlamak işleri tamamlandy. Szinbo taslamanyň meýilnama laýyklykda alnyp barylýandygyny belledi.
Taýýarlygyň çäklerinde Hytaý beýleki ýurtlar, şol sanda Russiýa bilen hem hyzmatdaşlygy işjeň ösdürýär. Mundan öň Moskwa bilen Pekin Halkara ylmy Aý stansiýasyny döretmek şertnamasyna gol çekdi. Onuň gurluşygyny 2028-nji ýyla çenli tamamlamak meýilleşdirilýär. Bu stansiýa geljekki ylmy gözlegler we hytaý taýkonawtlarynyň Aýa gonuşyna taýýarlyk üçin baza bolup hyzmat eder.
