Porsche 2025-nji ýylyň ilkinji dokuz aýy boýunça maliýe hasabatyny çap etdi. Maglumata görä, kompaniýanyň amal girdejisi geçen ýylyň degişli döwri bilen deňeşdirilende 4,035 milliard ýewrodan bary-ýogy 40 million ýewro çenli peseldi. Şol bir wagtyň özünde nagt pul dolanyşygy 1,24 milliarddan 1,35 milliard ýewro çenli ýokarlandy.
Kompaniýa girdejiniň pese gaçmagyny bazardaky çylşyrymly ýagdaý, Hytaýyň premium segmentinde islegiň azalmagy, ABŞ-nyň nyrh syýasaty we kompaniýa içindäki guramaçylyk üýtgemeleri bilen düşündirýär. Bu ýagdaýlar goşmaça çykdajylara we model hatarynyň täzeden seredilmegine getirdi.
Porsche-niň maliýe direktory Ýohan Brekneriň bellemegine görä, kompaniýa ýakyn hepdelerde birnäçe modeli önümçilikden aýrar. Olaryň hatarynda 718 maşgalasy (Cayman we Boxster), şeýle hem benzin bilen işleýän Macan bar. Içinden ýandyrylýan hereketlendirijili Macan käbir bazarlarda 2027-nji ýyla çenli satylyp bilner.
Şeýle hem kompaniýa täze elektrik platformanyň işe girizilmegini indiki onýyllyga süýşürdi we haýsy modelle degişlidigi anyklaşdyrylmazdan, birnäçe elektrik wersiýasyny çykarmagy şol wagt çenli yza goýdy.
