Samsung kompaniýasy ilkinji gezek üç eplenýän — Galaxy Z TriFold täze smartfonynyň nusgasyny görkezdі. Täze enjam Günorta Koreýada geçirilýän APEC 2025 sammitinde tanyşdyryldy diýip, SamMobile habar berýär.
Žurnalistler we myhmanlar smartfony diňe aýnaň aňyrsyndan görüp bildiler: bir nusga eplenen, beýlekisi bolsa doly açyk ýagdaýda ýerleşdirildi.
Öň ýaýran maglumatlara görä, Galaxy Z TriFold eplenen ýagdaýynda 6,5 dýuýmlyk ekran bolýar. Ekranyň iki ekrany gapdal taraplara açylýar, bu bolsa onuň “penjire ýaly” açylýandygyny ýada salýar. Doly açylanda smartfon 10 dýuýmlyk ekranly enjam bolýar — bu bolsa ony kiçi planşetlere alternatiwa edýär.
Samsung ilkinji tapgyrda 50 müňden 100 müň aralygynda Galaxy Z TriFold çykarmagy meýilleşdirýär. Kompaniýa entek giň gerimde dünýä satuwyny meýilleşdirmän, diňe saýlanan ýurtlarda hödürlemäge taýýarlanýar. Taslamanyň resmi çykarylyşy 2026-njy ýylyň başyna çenli garaşylýar, şeýle hem model köpçülikleýin bazar üçin niýetlenmeýär.
Galaxy Z TriFold-nyň doly tanyşdyrylyşy soňrak geçiriler. SamMobile-nyň maglumatlaryna görä, bu hatda şu hepde hem bolup biler.
