Ispaniýanyň Milli polisiýasy Pablo Pikassonyň 1919-njy ýylda guaş bilen çekilen ýitip giden “Gitaraly natýurmort” atly eseriniň tapylandygyny habar berdi (El Pais). Kartinanyň ölçegi 12,7 x 9,8 sm.
Geçen hepde eser Madridden Granada sergisine iberilmeli bolupdy, ýöne ýolunyň dowamynda ýitipdi. Granada eltilen eserleriň arasynda onuň ýoklugy ýüze çykansoň, polisiýa giň gerimli gözleg geçirdi we Interpolyň sungat eserleriniň ýitmegi ýa-da ogurlanmagy baradaky halkara bazasyna duýduryş ýerleşdirdi.
Derňewçiler Granada iberilen ýükleri barlap, kartinalaryň gaplamalaryndaky näsazlyklary we belgileriň gabat gelmezligini ýüze çykardylar. Netijede, miniatýura eser Madridden tapyldy. Mümkin sebäbi, eseriň ulagly ýükleme wagtynda ammarda galan bolmagy bolup durýar.
