Mongoliýada adaty bolmadyk syýahatçylyk taslamasy işlenip düzülýär: Gobi çölünde myhmanlar Marsdaky ýaly şertlerde ýaşaýşy başdan geçirip bilerler. Bu başlangyjy Ulan-Batorda ýerleşýän MARS-V guramasy amala aşyrýar. Ilkinji myhmanlary 2029-njy ýylda kabul etmek göz öňünde tutulýar.
Çölüň şertleri Marsyň landşaftyny simulirlemek üçin amatly: tomsunda +45 °C çenli yssy, gyşda -40 °C çenli sowuk bolýar. Toprak demir oksidine baý we gyzyl reňkli, bu bolsa “başga dünýä” has ýakyn duýgyny döredýär.
MARS-V-iň ýolbaşçysy Enktuwşin Doýodhuunyň aýtmagyna görä, maksat doly izolýasiýada ýaşamagy we Marsdaky ýaly protokol boýunça hereket etmegi öwretmekdir.
Syýahatdan öň gatnaşyjylar fiziki we psihologiki synaglardan geçer we üç aýlyk onlaýn türgenleşik programmasy bilen kislorod bilen işlemekden başlap, ýalňyzlyga çenli astronawtyň durmuşyna taýýarlanarlar.
Lagerde myhmanlar geologik nusga ýygnamak ýa-da Mars rowerini dolandyrmak ýaly amaly wezipeleri çözýärler. Aragatnaşyk hakyky planetalararasy aragatnaşygy simulirlemek üçin “Ýer” bilen gijikdirilen görnüşde bolýar.
Taslama oktýabr–mart aralygynda, Gobi buz bilen örtülende işläp biler. Iýmit tematik bolar: kosmonawt iýmiti bilen birleşdirilen mongol tagamlary, meselem, börek we buglanan guzy eti hödürlenýär.
