Xiaomi täze Xiaomi Self-Install Smart Lock atly akylly gapy gulpuny hödürledi. Ol kompaniýanyň global web sahypasynda peýda boldy we ýakyn wagtda halkara bazara çykarylyp bilner. Enjamyň aýratynlygy — adaty gulpunyň üstüne gös-göni dakyp bolýanlygy. Deşmek gerek däl, gural we ussa çagyrmak zerurlygy ýok.
Gulp iki bölekden durýar: ykjam motorly mehanizm we aýratyn klawiatura. Gurnamak üçin birnäçe minut ýeterlik. Enjam adaty gapylara laýyk gelýär we köne açary ulanmak mümkinçiligi saklanýar.
Gapyny açmak üçin birnäçe ýol bar:
- Barmak yzy skaneri bilen (takyklygy 99,3%)
- Klawiaturadaky kod (myhmanlar üçin wagtlaýyn kod hem bar)
- Mi Home programmasy arkaly.
Gulpy Wi-Fi ýa-da Bluetooth arkaly uzakdan açmak we ýapmak hem mümkin. Akkumulýator tükense, adaty açary ulanmak mümkinçiligi bar.
Enjam awtomatiki gulplanmagy, ýalňyşlyk bilen açmak synanyşyklarynyň habarnamalaryny we maşgala agzalarynyň gelendigini habar bermegi hem goldaýar.
Gulp Matter standartyny goldaýar, bu bolsa ony Apple Home, Google Home, Alexa we beýleki ulgamlara utgaşdyrmaga mümkinçilik berýär. Şeýlelikde, model birden köp ekoulgama laýyk gelýän az sanly enjamlaryň birine öwrülýär.
Bahasy we satuwa çykarylyş senesi entek yglan edilmedi.
