2024-nji ýylyň iýulyndan 2025-nji ýylyň iýuny aralygynda YouTube aýdym-saz pudagyna 8 mlrd dollardan gowrak töledi. Bu maglumatlar wideohostingiň 23-nji oktýabrdaky hasabatyndan gelip çykýar.
Kompaniýa munuň platforma üçin rekord mukdardygyny belledi: ýyllyk tölegler 2022-nji ýyl bilen deňeşdirilende 2 mlrd dollar artdy. 2021-nji ýylyň iýulyndan 2022-nji ýylyň iýuny aralygynda kompaniýa 6 mlrd dollar töläpdi.
Deňeşdirmek üçin, ýylyň başynda Spotify 2024-nji ýylda aýdym-saz pudagyna 10 mlrd dollar töländigini habar berdi. Pullary diňe bir artistler däl, eýsem leýbller, aýdym-saz çykaryjylar, aýdym awtorlary we pudagyň beýleki gatnaşyjylary alýar.
YouTube Music bilen Premium agzalarynyň sany synag döwründäki ulanyjylar bilen birlikde bütin dünýäde 125 mln adamdan geçdi. Hyzmat 100-den gowrak ýurtda elýeterli we 80 dili goldaýar.
Geçen aý YouTube soňky dört ýylda kontent awtorlaryna, artistlere we mediakompaniýalara 100 mlrd dollardan gowrak töländigini habar berdi.
