Belli “Tron” ylmy-fantastik franşizasynyň dowamy bolan “Tron: Ares” filmi Disney üçin şowsuz taslama boldy. Deadline neşiriniň habar bermegine görä, kompaniýa onuň önümçiligine, takmynan, 220 mln dollar sarp etdi – bu tutuş franşiza üçin rekord mukdardyr.
Muňa garamazdan, premýeradan iki hepde soň filmiň kassa ýygymy 100 mln dollardan sähel köp boldy. Çaklamalara görä, dünýä prokatynda ahyrky görkeziji 160 mln dollardan geçmese gerek. Şeýle ýagdaýda Disney içerki we telewizion prokatdan gelen girdejileri göz öňünde tutup, takmynan, 133 mln dollar möçberde ýitgi çekip biler.
Deadline-yň maglumatlaryna görä, studiýanyň franşizany ösdürmegini dowam etdirjekdigi belli däl. Neşiriň çeşmeleri Bob Aýgeriň ýolbaşçylygyndaky kompaniýanyň, hünärmenleriň pikiriçe, giň auditoriýany çekip bilmejek aktýoryň – Jared Letonyň gatnaşmagyndaky filme şeýle uly serişde bölüp bermegine geň galýar.
