Toyota we Honda kompaniýalarynyň bölek şaýlaryny öndürijiler önümçilik zynjyrlaryny ekologiýa taýdan has arassa etmek maksady bilen biomateriallar bilen synag geçirip başladylar. Ulanylmagy öwrenilýän materiallaryň arasynda bambuk süýümi we ýumurtga gabygy bar diýip, Nikkei Asia habar berýär.
Ýapon kompaniýalary kompozit materiallarda täzelenip bilýän ösümlik esasly we organiki çig mallary ulanmagyň mümkinçiliklerini öwrenýärler. Mysal üçin, Tokai Rika firmasy bambuk ösdürilenden soň galýan galyndylary ulanyp, awtoulagyň salon bölekleri üçin plastmassa meňzeş materiallary döretmegi meýilleşdirýär.
Moriroku kompaniýasy bolsa ýumurtga gabygyndan şuňa meňzeş bio-materiallary öndürmegiň mümkinçiliklerini barlaýar. Kompaniýanyň çaklamasyna görä, wagtyň geçmegi bilen bu görnüşdäki çig mal häzirki wagtda ulanylýan nebit esasly materiallaryň ornuny tutup biler.
Nebit esasly materiallardan tapgyrlaýyn ýüz öwürmek awtoulag öndürijilere uglerod galyndysyny azaltmaga, önümçilik amallaryny has ekologiýa taýdan arassa etmäge we daşky gurşawa ýetirýän ýaramaz täsiri peseltmäge mümkinçilik berer.
