17-nji oktýabrda Sustainable Energy for All (SEforALL) halkara guramasynyň Wenada ýerleşýän ştab-kwartirasynyň binasynda Türkmenistanyň Awstriýadaky ilçisi Hemra Amannazarow guramanyň baş direktorynyň orunbasary Stefano Marguçço bilen duşuşdy.
Duşuşykda durnukly energetika ugrunda hyzmatdaşlygy giňeltmegiň mümkinçilikleri ara alnyp maslahatlaşyldy. Taraplar BMG-niň 2030-njy ýyla çenli Durnukly ösüş gün tertibinde göz öňünde tutulan maksatlara ýetmäge gönükdirilen milli we sebit maksatnamalaryny goldamak meselelerine aýratyn üns berdiler.
Netijede taraplar bilelikdäki başlangyçlar boýunça dialogy dowam etdirmek barada ylalaşdylar. Şol sanda halkara energetika forumlaryna gatnaşmak, energiýa elýeterliligini üpjün etmäge gönükdirilen sebit taslamalary we hünär mümkinçiliklerini ösdürmek boýunça meýilnamalar ara alnyp maslahatlaşyldy.
Duşuşygyň dowamynda taraplaryň halkara hyzmatdaşlygyny berkitmek arkaly durnukly energetika ösüşini öňe sürmekde umumy gyzyklanmasy tassyklandy.
