Hytaýyň Leapmotor kompaniýasy içerki bazarda täze D19 krossowerini hödürledi. Modeliň esasy aýratynlygy daglyk sebitlerde gezelenç wagty ulanmak üçin niýetlenen kislorod generatorynyň bolmagydyr. Onuň öndürijiligi minutda 8 litre barabar.
Uzynlygy 5,2 metr we tigir bazasy 3,1 metr bolan awtomobil iki wersiýada – doly elektrik we gibrid görnüşlerde elýeterli bolar.
Elektrik wersiýasy 1000 woltlyk arhitekturada guruldy we 115 kWt/sag sygymly CATL batareýasy bilen üpjün edildi. Onuň kuwwaty 734 at güýjüne barabar bolup, 100 km/sag çenli tizligi artdyrma üç sekunt töweregi wagt alýar. 15 minutlyk çalt zarýad alyş 350 km çenli ýoly üpjün edýär, iň uzyn menzil 720 km ýetýär.
EREV gibrid görnüşi 800 woltlyk ulgamy we generator hökmünde işleýän içinden ýandyrylýan hereketlendirijini ulanýar. Iki elektrik hereketlendirijisiniň umumy kuwwaty 544 at güýjüne deň, 80,3 kWt/sag sygymly akkumulýator bolsa içinden ýandyrylýan hereketlendirijini işletmezden 500 km çenli ýol geçmäge mümkinçilik berýär.
Öndürijiniň maglumatlaryna görä, Leapmotor D19 hytaý bazaryndaky esasy bäsdeşi Lixiang L9-dan bir ýarym esse arzan bolar. Awtomobiliň bazara çykmagy 2026-njy ýylyň birinji ýarymyna meýilleşdirilýär.
