Ispaniýanyň Milli polisiýasy Pablo Pikassonyň “Gitaraly natýurmort” suratynyň ýitmegini derňeýär. Ideal neşiriniň çeşmelere salgylanyp habar bermegine görä, surat Madridden Granada eltilmelidi, ýöne ol bellenilen ýere gelip gowuşmady.
Surat, takmynan, 600 müň dollara ätiýaçlandyrylypdy. Ony “Kaha-Granada” gaznasy tarapyndan guralan “Natýurmort. Durgunlygyň bakylygy” sergisinde görkezmek meýilleşdirilipdi. Sergi geçen hepde Pikassonyň suraty bolmazdan açyldy.
Medeniýet merkezi suratyň ýitendiginiň getirilen eserleriň açylan wagty belli bolandygyny aýtdy. Hukuk goraýjy edaralar suratyň daşalan mahaly ýitip bilendigini çaklaýar. Derňew işleri dowam edýär.
