Amerikaly Artur Lind bilen awstraliýaly Genri Ýang tennis taryhyna girip, iň garry oýunçylaryň arasyndaky duşuşygy geçirdiler. Bu barada Halkara Tennis Federasiýasynyň (ITF) metbugat gullugy habar berdi.
102 ýaşly Ýang we 97 ýaşly Lind Horwatiýanyň Bol şäherinde geçirilen ITF World Championship ýaryşynyň çärýek finalynda duşuşdylar. Olar «90+» ýaş toparynda çykyş etdiler. Duşuşyk Lindiň 6:1, 6:2 hasabynda ýeňşi bilen tamamlandy.
Bu Ýang üçin ilkinji rekord däl. 2023-nji ýylda ol 100 ýaşynda halkara ITF turuna gatnaşan ilkinji tennisçi bolup, Malýorkada geçirilen ýekeleýin ýaryşda çykyş edipdi.
