Halkara pul gaznasy (HPG) 2025-nji ýylyň jemi boýunça dünýä ykdysasyýetiniň ösüş çaklamasyny 3,2%-e çenli gowulandyrdy, bu bolsa öňki hasaplardan 0,2 göterim punkt ýokarydyr. 2026-njy ýyl üçin çaklama üýtgewsiz galdy we 3,1%-e barabar.
“Ykdysadyýeti ösen ýurtlarda ösüş, takmynan, 1,5%, bazary emele gelen ýurtlarda we ösüp barýan ýurtlarda 4%-den gowrak bolar” – diýlip, guramanyň hasabatynda aýdylýar. Şol bir wagtyň özünde, HPG global inflýasiýanyň peselmeginiň dowam etmegine garaşýar.
Gaznanyň baş ykdysatçysy Pýer-Oliwýe Gurinşa brifingde ABŞ bilen Hytaýyň arasyndaky söwda dartgynlygynyň güýçlenmeginiň global ösüşe täsir edip biljekdigini belledi. Onuň aýtmagyna görä, iki ýurduň hem döwlet wekilleriniň soňky beýanlary “söwda näbelliliginiň henizem dowam edýändigini” aýdyň görkezýär.
HPG-niň çaklamasy boýunça, 2025-nji ýylda ABŞ-nyň ykdysadyýetiniň ösüşi 2%, Ýewropa Bileleşigi – 1,2%, Hytaý – 4,8%, Hindistan – 6,6% bolar.
