Disney kompaniýasy “Rapunsel: Çylşyrymly hekaýat” atly meşhur animasion filmiň laýw-ekşn remeýkiniň üstünde ýene-de işläp başlady. Baş gahrymanlaryň biri — ene Goteliň keşbini Skarlett Ýohanssona ynanmak göz öňünde tutulýar diýip, Deadline habar berýär.
Taslamanyň režissýory “Iň beýik alypbaryjy” (“The Greatest Showman”) filmi bilen tanalýan Maýkl Greýsi bolar, ssenarini bolsa Jennifer Keýtin Robinson ýazýar. Film 2010-njy ýylda çykarylan asyl animasiýa esasynda döredilýär. Häzirlikçe ýordumyň jikme-jiklikleri, galan aktýorlar we çykarylyş senesi mälim edilmedi.
Aprel aýynda “Garpamyk” (“Snow White”) filmi kassada şowsuz bolansoň, “Rapunsel” taslamasynyň önümçiligi wagtlaýyn togtadylypdy. Indi bolsa kompaniýa bu taslamany täzeden işjeňleşdirdi.
Asylky “Rapunsel: Çylşyrymly hekaýat” animasion filmi 2010-njy ýylda görkezilip, dünýäde 592 million dollar girdeji gazanypdy. Üstünlikden soň Disney “Rapunsel: Baky bagtyýar” atly gysga görnüşli spin-off-y hem-de “Rapunsel: Täze taryh” atly serialy döretdi.
