Xiaomi gyş gijelerinde rahat ukyny üpjün etmek üçin täze çözgüt — Mijia Smart Electric Blanket atly akylly elektrik ýorganyny tanyşdyrdy. Täze önüm 14-nji oktýabrda Youpin platformasynda 180 ýuan (takmynan 25 dollar) başlangyç bahadan satuwa çykýar.
Resmi suratlardan görnüşi ýaly, ony diňe ýorgan hökmünde däl, eýsem düşek örtügi hökmünde hem ulanyp bolýar.
Ýorgan ýumşak mahmal matadan taýýarlanylyp, görünmeýän ýyladyş elementleri bilen enjamlaşdyrylan. Kuwwaty — 80W, enjam bolsa goşa spiral ulgamyna we birnäçe howpsuzlyk funksiýalaryna eýe: aşa gyzmakdan, gysga utgaşmadan, aşa agram düşmekden gorag, şeýle hem çagalarda ýanyk şikesini almagynyň öňüni alýan ýörite çäreler bar. Ölçegi — 1,8 x 0,8 metr.
Ýorgan Xiao AI ses kömekçisi bilen integrirlenip, ýylylygy ses arkaly dolandyrmaga mümkinçilik berýär. Şeýle hem Mijia programmasy arkaly ýylylygy sazlap, işleme wagtyny tertiplemek we “sakyrtgany aýyrmagyň tertibini” işjeňleşdirmek bolýar — bu režim ýatylýan ýeriň arassalygyny we gigiýenasyny üpjün edýär.
