14-nji oktýabrdan başlap Microsoft kompaniýasy Windows 10 operasion ulgamynyň goldawyny resmi taýdan bes etdi. Ulanyjylara Windows 11-e geçmek maslahat berilýär diýip, kompaniýanyň beýanynda aýdylýar.
Indi öňki OS-y ulanyjylara programma üpjünçiliginiň we howpsuzlyk ulgamynyň täzelenmesi, şeýle-de tehniki goldaw berilmez. Windows 10 işlemegini dowam etdirse-de, kompýuterler täzelenmesiz wiruslar we zyýanly programmalar üçin has gowşak bolar.
Mundan öň, iýulda Microsoft 2026-njy ýylda Windows 10 ulanyjylary üçin Outlook, Teams, Office, OneDrive we SharePoint ýaly Microsoft 365 programmalary üçin täzelenmeleri çykarmagyny bes etjekdigini aýtdy.
Kompaniýa Word ýaly programmalaryň işlemegini dowam etdirjekdigini, ýöne goldawy bes edilenden soň Windows 10-y ulanmagyň Microsoft 365 bilen işlenende öndürijilik we durnuklylyk bilen bagly näsazlyklara getirip biljekdigini belledi.
