Samsung eplenýän Galaxy Z Fold7 smartfonynyň hytaý bazary üçin ýörite döredilen görnüşini – täze W26 flagman smartfonyny hödürledi.
Öňki W modelleri ýaly, täze smartfon has kaşaň dizaýny bilen tapawutlanýar: petle, gapdal çarçuwa we kamera halkalary altyn öwüşginler bilen bezeldi. Smartfon gyzyl we gara reňklerde elýeterli bolar.
Galaxy W26-nyň korpusy alýuminden ýasaldy. Smartfonyň ýogynlygy açylan görnüşde 4,2 mm, ýygnalan görnüşde 8,9 mm barabar, agramy – 215 gram.
Smartfon Snapdragon 8 Elite çipseti bilen enjamlaşdyryldy we Android 16-nyň esasynda One UI 8 ulgamy bilen işleýär. Operatiw ýat – 16 GB, içki ýat – 512 GB ýa-da 1 TB. Daşky ekranyň diagonaly 6,5 dýuýma, içki ekran 8 dýuýma barabar. Displeýleriň ikisiniň-de täzelenme ýygylygy 120 Gs bolup, Corning Gorilla Glass Ceramic 2 aýnasy bilen goralýar.
Esasy kamera 50, 12 we 10 Mp üç datçikden ybarat, soňkusy 3 esse zuma jogap berýär. Frontal kamera – 10 Mp.
Akkumulýatoryň sygymy 4400 mA/sag bolup, 25 Wt kuwwatly çalt zarýad alşy goldaýar.
Samsung W26-nyň bahasy – 512 GB ýat üçin 2390 dollar, 1 TB üçin 2670 dollar.
