Günbatar Awstraliýanyň kenarlarynda okeanograf alymlar ylym üçin täze bolan iki deňiz jandaryny — garaňkyda şöhle saçýan fonar akulasy we ýarym-durulykrangy farfor kraby.
Bu tapyndylar baryp 2022-nji ýylda Awstraliýanyň ylmy we amaly barlag guramasy (CSIRO) tarapyndan geçirilen ekspedisiýa wagtynda ýüze çykarylypdy, emma olaryň ylmy beýany diňe indi neşir edildi.
Täze akula tapylan sebitiniň hormatyna Etmopterus westraliensis diýlip atlandyryldy. Ol takmynan 600 metr çuňlukda ýaşaýar. Bu balyk öz kellesiniň aşagynda we böwründe ýerleşýän ýörite fotofor organlarynyň kömegi bilen ýagtylyk çykarýar. Bu akula görnüşi ownuk bolup — iň uly tapylan nusgasy bary-ýogy 40 santimetr uzynlykda. Deňiz düýbünde ýaşaýan beýleki jandarlara meňzeş, onuň uly gözleri garaňky suwda görmegi ýeňilleşdirýär, bedeni bolsa inçe we kiçi ýüzgüçler hem-de ýiti tikenleri bar.
Ikinji tapyndy — Porcellanella brevidentata atly leňňeç, ol Awstraliýanyň demirgazyk-günbataryndaky Ningalu kenarynda, 122 metr çuňlukda tapyldy diýip, Popular Science ýazýar. Ol ýumşak merjenler bilen simbioz ýagdaýda ýaşaýar. Krab gaty ownuk — diňe 1,2 santimetr ini bar, reňki bolsa ony merjenleriň arasynda saýgarmagy kynlaşdyrýar. Ol plankton bilen iýmitlenýär, ony suwdan uzyn tüýli ýörite agyz organlarynyň kömegi bilen süzüp alýar.
