Fransiýanyň Milli poçta gullugy gaýmakly kruassanyň ysy bilen marka çykardy. Bu ýakymly ysy duýmak üçin markanyň üstüni barmagyň bilen sürtmek ýeterlik diýip, Le Figaro habar berýär.
Marka 594 müň nusga tiraž bilen çykarylar, ýöne ony ýurduň diňe üç poçta bölüminde satyn alyp bolar. Markanyň çykarylmagy iň gowy gaýmakly kruassan boýunça milli bäsleşige bagyşlandy.
Markanyň bahasy 2,1 ýewro bolup, ony hem Fransiýanyň içinde, hem daşary ýurtlara hat ibermek üçin ulanyp bolýar.
Şeýle markalaryň satylyp başlanan bölümleriniň biri Walans şäherindäki poçta bölümi boldy.
“Ilkinji gün gelen 400 müşderiden 50-si ýörite marka üçin geldi. Käbir kolleksionerler goňşy Lion şäherinden geldi. Ilkibaşdaky 1000 markadan bir günde 400-üsi satyldy” – diýip, bölümiň başlygy Antoni Rişe aýtdy.
