Garaşsyz Döwletleriň Arkalaşygynyň Baş sekretary Sergeý Lebedew GDA ýurtlarynyň Baştutanlarynyň çözgüdi bilen bu wezipä ýene üç ýyl möhlet bilen bellendi diýip, TASS habar berýär.
“Dar görnüşde geçirilen mejlisde Döwlet Baştutanlarynyň geňeşiniň çözgüdi bilen siziň sadyk guluňyz Arkalaşygyň Baş sekretary wezipesine nobatdaky üçýyllyk möhlet bilen bellendi” – diýip, Lebedew Duşanbede giňeldilen düzümde geçirilen GDA-nyň Döwlet Baştutanlarynyň geňeşiniň mejlisinde aýtdy.
Lebedew ýokary ynamy üçin döwlet Baştutanlaryna minnetdarlyk bildirdi we mundan beýläk hem Arkalaşygyň ýurtlarynyň arasynda dostlukly we hoşniýetli goňşuçylyk gatnaşyklaryny saklamak we berkitmek ugrunda zähmet çekjekdigine ynandyrdy.
