BMW we Mercedes-Benz 2025-nji ýylyň üçünji çärýegi boýunça dünýä satuw görkezijilerini mälim etdiler. Nemes brendleri biri-birine düýpgöter gapma-garşy ýagdaýlary başdan geçirýärler: bawariýaly öndürijileriň (BMW) satuwlary artsa, olaryň ebedi bäsdeşi ştutgartly öndürijilerde (Mercedes-Benz) ýagdaý öwerlik däl. Olaryň aratapawudy 33,2% boldy.
Iýuldan sentýabra çenli BMW 588,3 müň awtoulag satdy, bu bolsa geçen ýylyň degişli döwrüne garanyňda 8,8% köpdür. Esasy ösüşe 9,3% ösüş görkezen Ýewropa bazary we 24,9% ösüş bilen ABŞ bazary uly goşant goşdy. Hytaýda bolan satuwlaryň takyk sanlary aýdylyp geçilmese-de, umumy ösüş netijesi durnukly islegiň bardygyny görkezýär.
Mercedes-Benz üçin ýagdaý o diýen oňat däl. Hasabat döwründe kompaniýa 441,5 müň awtoulag satdy, bu geçen ýylyň üçünji çärýegine görä 12% köp bolsa-da, käbir sebitlerde isleg ep-esli azaldy. Mysal üçin, ABŞ-da satuwlar 17% peseldi, Hytaýda bolsa 27% aşaklady. Kompaniýanyň ýolbaşçylary bu pese düşmegiň esasy sebäbini Hytaý bazaryndaky islegiň azalmagy bilen düşündirýärler.
