Meşhur hytaýly aktýor Jeki Çan Gazagystanda “Hudaýyň sowudy” (Доспехи Бога) franşizasynyň dördünji bölümini düşürer. Bu barada Gazagystanyň Salem Entertainment studiýasy öz Instagram sahypasynda habar berdi.
“Biz Jeki Çanyň Alma-Ata sapary [sentýabryň ahyry] barada resmi taýdan maglumat berýäris. Gürrüň meşhur “Hudaýyň sowudy” franşizasynyň täze “Hudaýyň sowudy: Ultimatum” filminiň üstündäki işler bilen baglanyşyklydyr. Millionlarça tomaşaçy tarapyndan halanan meşhur saganyň dördünji bölümi hut Gazagystanda düşüriler” – diýip, studiýa habar berdi. Aktýoryň şähere gabat gelýän ýerleri gözlemek maksady bilen aýlanandygy bellenilýär.
Sýužet we önümçilik işi barada entek maglumat ýok.
“Hudaýyň sowudy” franşizasynyň ilkinji filmi 1986-njy ýylda, ikinjisi – “Hudaýyň sowudy 2: Kondor operasiýasy” 1991-nji ýylda, “Zodiak missiýasy” ady bilen üçünji bölüm bolsa 2012-nji ýylda çykdy. Olaryň ählisinde Jeki Çan diňe bir baş keşbi ýerine ýetirmän, eýsem režissýor hökmünde çykyş etdi.
Belläp geçsek, 2016-njy ýylda Jeki Çan kinematografda bitiren hyzmatlary üçin “Oskar” baýragyny aldy.
