Adidas öý haýwanlary üçin eşikleriň täze güýz toplumyny çykardy. Toplumda wetrowkalar, ýyly žiletler we brendiň firma dizaýny goýlan sport kostýumlary bar diýip, HypeBeast habar berýär.
Kompaniýa şu ýylyň maý aýynda öý haýwanlary üçin niýetlenen eşikleriniň ilkinji hataryny çykardy we häzirki wagtda görnüşlerini giňeldýär. Adidas it we pişik eşiklerine islegiň artýandygyny belleýär.
HypeBeast-iň döredijileriniň sözlerine görä, täze toplum öý haýwanlaryny hakyky modaçylara öwürmek üçin döredildi. Ähli modeller markanyň iň tanalýan ugry bolan adidas Originals äheňinde bezelendir.
Wetrowkalar suw geçirmeýär, ýelekler ýylyň sowuk pasly üçin niýetlenendir, sport kostýumlary bolsa rahatlygy adidas-yň stili bilen sazlaşdyrýar.
Adidas Originals Pet kolleksiýasyny indi Hytaýda-da satyn alnyp bolýar. Beýleki bazarlara çykmak meýilnamasy barada entek hiç zat habar berilmedi.
