«Adidas» brendi «Minecraft» oýny bilen hyzmatdaşlykda döredilen «Holiday 2025» baýramçylyk kolleksiýasyny hödürledi. Täze önümler toplumy çagalara we ýetginjeklere niýetlenen: ähli aýakgaplar, egin-eşikler, sumkalar we aksessuarlar diňe degişli ölçeglerde öndürilýär.
Kolleksiýada brendiň «Samba» krossowkalaryndan başlap, «Adilette» şypbyklaryna (slansylaryna) çenli nusgawy modelleri täzeçe dizaýnda işlenildi. Bezegler oýnuň özboluşly stilinde ýerine ýetirildi: piksel şekilleri, otlaryň, tokaýlaryň, kriperleriň, beýleki gahrymanlaryň we oýun meýdançalarynyň suratlary bar.
Toplum diňe aýakgaplar bilen çäklenmän, eýsem, ýörite nyşanly rýukzaklary, sport kostýumlaryny, kepkalary, birnäçe jübüt joraby we futbolkalary hem öz içine alýar. Dizaýnyň aýry-aýry bölekleri oýnuň meşhur nyşanlaryna — «Enderiň gözi» we «Ender aždarhasy» ýaly jandarlaryna salgylanýar.
Harytlaryň bahasy kategoriýasyna görä üýtgeýär. Sport futbolkalarynyň bahasy 20 dollardan başlaýar, krossowkalaryň bahasy bolsa 95 dollara çenli ýetýär.
