Guwwaslar Floridanyň kenarýakasynda deňziň düýbünden takmynan 1 million dollarlyk hazyna tapdylar. Şaýy pullar 1715-nji ýylyň 31-nji iýulynda Ispaniýanyň flotiliýasynyň heläkçiliginden soň üç asyrdan gowrak wagtlap suwuň aşagynda ýatypdyr. Tupan Täze Dünýäden Ispaniýa altyn we şaý-sepleri alyp barýan birnäçe gämini heläkçilige sezewar edipdir diýip, Associated Press habar berýär.
Üstümizdäki ýylyň tomsunda guwwaslar müňden gowrak altyn-kümüş şaýylary tapdylar. Olar Ispaniýanyň koloniýalarynda - Boliwiýada, Meksikada we Peruda zikgelenipdir. Käbirlerinde zikgehanalaryň goýan seneleri we tagmalary saklanyp galypdyr.
Gark bolan gämileri çykarýan kompaniýanyň amallar bölüminiň müdiri Sel Guttuzo her teňňäniň Ispan imperiýasynyň altyn asyryna galtaşmaga mümkinçilik berýän taryhyň bir bölegidigini aýtdy.
Hazynany galdyrmak üçin gaýyklaryň flotiliýasyndan we ýörite enjamlardan - suwasty metal detektorlaryndan we çäge aýryjylardan peýdalandylar.
Floridanyň kanunyna görä, tapylan hazynalar ştata degişlidir. Olaryň 20% töweregi barlag geçirmek we muzeýde görkezmek üçin döwletiň garamagynda galmaly.
