Garyşyk başa-baş söweş sungatynyň amerikaly söweşijisi Kori Anderson Dubaýda geçirilen ýarym agyr agramda (93 kg çenli) PFL-iň titul söweşinde türkmenistanly Döwletjan Ýagşymyradowy ýeňdi.
Söweş agşamyň esasy wakalarynyň biri bolup, bäş raund dowam etdi. Oýnuň başynda artykmaçlyk Ýagşymyradowyň tarapyndady, ýöne soň Anderson güýjüni jemläp, ýiti göreşe geçdi. Ol aýak üstünde-de, parterde-de ynamly hereket edip, emin agzalarynyň biragyzdan karara gelmeginde ýeňiş gazandy – 49:45, 48:47, 49:45.
36 ýaşly Anderson üçin bu üstünlik yzygider dördünji boldy. Bellator-yň öňki çempiony indi çempionat PFL bilen birleşenden soň guşagy gaýdyp aldy. Indi onuň hasabynda 20 ýeňiş, alty ýeňliş bar, bir söweş geçirilmedik diýlip hasaplandy.
36 ýaşly Döwletjan yzygider ýedi ýeňşiniň arasyny üzdi. Onuň rekordy indi 25 ýeňişden, sekiz ýeňlişden we bir deňme-deňlikden ybarat. Türkmen söweşijisi geçen ýylky PFL möwsüminiň ýeňijisi bolupdy.
Bu söweş rewanş boldy: 2021-nji ýylyň aprelinde söweşijiler Bellator-da duşuşdy we şonda Anderson Döwletjany üçünji raundda tehniki nokaut bilen ýeňdi.
