Türkmenistandan 8 okuwçy mental hasaplamak boýunça Germaniýadaky Dünýä çempionatyna ugrady

  • 03.10.2025 10:03
  • 9.5k+

Türkmenistanly mekdep okuwçylary 4-6-njy oktýabr aralygynda Germaniýanyň Bielefeld şäherinde geçiriljek Ýetginjekleriň arasynda mental hasaplamak boýunça dünýä çempionatyna gatnaşar.

Ýetginjekleri ýaryşa taýýarlaýan “Kämil bilim” okuw merkezinde habar bermeklerine görä, çempionatda ýurdumyza 8 sany zehinli okuwçy wekilçilik eder.
2008-nji ýyldan bäri geçirilip gelinýän bu halkara ýaryşa her ýyl dünýäniň 20-ä golaý döwletinden 100-den gowrak ýetginjek gatnaşýar. Bäsleşikde gatnaşyjylar ýaş aýratynlyklaryna görä 3 topara bölünýärler.
Türkmenistanly ýaşlar goşmak, aýyrmak, köpeltmek we bölmek ýaly esasy amallar bilen bir hatarda, köpeldijilere dagytmak we droblar ýaly has çylşyrymly ugurlar boýunça-da öz ukyplaryny görkezerler. Bäsleşigiň şertine görä, ýetginjekler 2 sagadyň dowamynda ähli soraglary diňe ýatdan işläp, dogry jogaplary bermeli bolarlar.
Çempionata gatnaşjak topar şu ýylyň aprel aýynda ýörite bäsleşik esasynda düzüldi. Şonda ýetginjekler Dünýä çempionatyna meňzeş şertlerde, 23 sahypadan ybarat bolan soraglara 2 sagadyň dowamynda ýatdan dogry jogap bermegi başaryp, ýaryşa gatnaşmaga hukuk gazanypdylar.
Çempionata Türkmenistana şu aşakdaky okuwçylar wekilçilik eder:

  1. Akmyradow Omar  (Aşgabat şäheriniň şäheriniň iňlis dili, himiýa we biologiýa derslerini çuňlaşdyryp öwredýän ýöriteleşdirilen 86-njy orta mekdebiniň okuwçysy, “Kämil bilim” okuw merkeziniň diňleýjisi)
  2. Baýramgeldiýew Abdullah (Aşgabat şäheriniň daşary ýurt dillerini çuňlaşdyryp öwredýän ýöriteleşdirilen 89-njy orta mekdebiniň okuwçysy, “Kämil bilim” okuw merkeziniň diňleýjisi)
  3. Berdiýewa Liwanur (Aşgabat şäheriniň dil derslerini çuňlaşdyryp öwredýän ýöriteleşdirilen 87-nji orta mekdebiniň okuwçysy, “Kämil bilim” okuw merkeziniň diňleýjisi)
  4. Durdymämmedowa Hatyja (Aşgabat şäheriniň dil derslerini çuňlaşdyryp öwredýän ýöriteleşdirilen 97-nji orta mekdebiniň okuwçysy, “Kämil bilim” okuw merkeziniň diňleýjisi)
  5. Gündogdyýewa Patma (Aşgabat şäheriniň takyk we iňlis dili derslerini çuňlaşdyryp öwredýän ýöriteleşdirilen 6-njy orta mekdebiniň okuwçysy, “Kämil bilim” okuw merkeziniň diňleýjisi)
  6. Ýusupow Allaguly (Aşgabat şäheriniň ynsançylyk ugurly okuw derslerini çuňlaşdyryp öwredýän ýöriteleşdirilen 143-nji orta mekdebiniň okuwçysy, “Kämil bilim” okuw merkeziniň diňleýjisi)
  7. Çerkezow Ýeňiş (Balkan welaýatynyň Balkanabat şäheriniň Magtymguly adyndaky ýöriteleşdirilen 2-nji orta mekdebiniň okuwçysy, “Kämil bilim” okuw merkeziniň Balkanabatdaky şahamçasynyň diňleýjisi)
  8. Nurgeldiýew Mekan (Lebap welaýatynyň Türkmenabat şäherindäki ýöriteleşdirilen 41-nji orta mekdebiniň okuwçysy, “Kämil bilim” okuw merkeziniň Türkmenabatdaky şahamçasynyň diňleýjisi)

düýn 19:55
2.3k+

Türkmenistanyň ýokary okuw mekdepleri Waýoming uniwersiteti bilen Ähtnama gol çekişdiler

Türkmenistanyň bilim ministriniň orunbasary Azat Ataýewiň ýolbaşçylygyndaky wekiliýet iş saparynyň çäginde ABŞ-nyň Waýoming Döwlet uniwersitetine (University of Wyoming, UW) baryp gördi. Bu barada Türkmenistanyň Bilim ministrligi habar berdi...

düýn 07:33
1.4k+

Türkmenistanyň bilim ministri Hytaýyň ilçisi bilen täze taslamalary maslahatlaşdy

22-nji oktýabrda Türkmenistanyň bilim ministri J.Gurbangeldiýew Hytaý Halk Respublikasynyň ýurdumyzdaky ilçisi Si Şumin bilen duşuşdy. Bu barada ministrligiň saýtynda habar berilýär. Ministr ilçini wezipesine girişmegi bilen gutlap, bilim ulgamy boýunça türkmen-hytaý hyzmatdaşlygynyň strategik häsiýetini nygtady...

24.10.2025 11:38
2.7k+

Noýabr-dekabrda Türkmenistanda geçiriljek halkara bilim olimpiadalary, bäsleşikler we halkara ylmy-amaly maslahatlar

23-nji oktýabrda geçirilen Hökümet mejlisinde wise-premýer B.Orazdurdyýewa şu ýylyň noýabr-dekabr aýlarynda ýurdumyzyň ýokary okuw mekdeplerinde geçiriljek halkara bilim olimpiadalary we bäsleşikleri, şeýle hem halkara ylmy-amaly maslahatlar barada hasabat berdi...

23.10.2025 11:33
1.4k+

Tatarystanyň ýokary okuw mekdebiniň mugallymlary türkmen kärdeşleri bilen tejribe alyşýarlar

Aşgabatda Aman Kekilow adyndaky mugallymçylyk mekdebinde türkmen mugallymlary üçin hünär derejesini ýokarlandyrmak boýunça on günlük okuwlar başlandy. Okuwlary RF-niň Tatarystan Respublikasynyň Neberežnyý Çelny şäherindäki Döwlet mugallymçylyk uniwersitetiniň (NGPU, RF) hünärmenleri alyp barýar...