Adobe kompaniýasy meşhur wideo redaktor programmasy bolan Premiere-iň iOS wersiýasynyň satuwa çykarylandygyny habar berdi. Android wersiýasy entek işlenip düzüliş tapgyrynda.
iPhone-yň ulanyjylary eýýämden programmany mugt göçürip alyp bilerler. Onda wideo, aýdym-saz, ses we tekst üçin birnäçe dorožkaly adaty wagtlaýyn şkala bar. 4K HDR wideo redaktirlemesini, awtomatiki subtitr döretmegi, reňk düzediş we kölegäni dolandyrmak gurallaryny goldaýar.
Döredijiler sesi işlemeklige-de üns berdiler. Programma smartfonda düşürilen wideolaryndaky fon sesini azaltmaga we gepleşikleri dury eşitdirmäge mümkinçilik berýär. Gurlan AI bilen işleýän gurallar tekst düşündirişlerine esaslanýan ses effektlerini döretmäge kömek edýär. Şeýle hem, ulanyjylar statiki kadrlardan biri-birine akgynly geçýän şekilleri, stikerleri we gysga wideolary döredip bilerler.
Programma mugt bolsa-da, AI bilen işleýän funksiýalara girmek ýörite karzlary edinmegi talap edýär. Şeýle hem Adobe wideolary redaktirlemek üçin suratlaryň, wideo klipleriň we sesleriň mugt kitaphanasy bilen üpjün edýär. Premiere-niň ykjam wersiýasynda başlanan taslamalary Adobe Cloud bulut hyzmaty arkaly kompýuterde redaktirlemegi dowam etdirip bolar. Şeýle-de bolsa, taslamalary iş stolundan ykjam enjama geçirmek entek mümkin däl.
