2026-njy ýylyň ýanwarynda futbol boýunça Ispaniýanyň Superkubogy ýene-de Saud Arabystanynda geçer. Bu barada Ispaniýanyň patyşalyk futbol federasiýasy (RFEF) habar berdi.
Ýaryş Saud Arabystanynyň çäginde altynjy gezek geçiriler. Jidda şäheri ony eýýäm taryhda üçünji gezek we yzygider ikinji ýyl kabul edýär. Ýene üç gezek oýunlar Er-Riýadda geçirildi.
Ýaryş 7-nji we 8-nji ýanwarda ýarym finaldan başlar, final 11-nji ýanwarda bolar. Bir oýunda “Barselona” bilen Bilbaodan “Atletik”, beýlekisinde Madridiň “Realy” bilen “Atletiko” duşuşar. Ýarym final tapgyrynda oýunlaryň tertibi bije çekilişik arkaly kesgitlener.
Superkubogyň häzirki eýesi “Barselonadyr”. Şu ýylyň ýanwarynda topar Madridiň “Realyny” 5:2 hasabynda utup, öz taryhynda kubogy 15-nji gezek gazandy.
