Google soňky on ýylda firma logotipiniň ilkinji uly täzelenmesine girişdi. Ilkinji gezek ýazda Android we iOS üçin Google programmasynda peýda bolan täze, gradient görnüşli G harp indi kem-kemden kompaniýanyň ähli platformalaryna ýaýraýar.
Logotipiň öňki görnüşi 2015-nji ýylda hödürlendi: şol wagt G harpy dört reňke – gyzyl, sary, ýaşyl we gök reňklere eýe boldy. Täze görnüşde bu reňkler saklanyp galdy, ýöne has ýiti, doýgun we biri-birine sazlaşykly geçýän görnüşde ýerine ýetirildi. Kompaniýa şeýle stiliň “emeli aň döwründe Google-yň ewolýusiýasyny” alamatlandyrýandygyny belledi.
Google esasy logotipden başga-da, beýleki elementlerini, mysal üçin Google Home nyşanyny üýtgetdi. Ýakyn aýlarda täze stil kem-kemden Gmail, Drive, Meet, Calendar ýaly ähli esasy hyzmatlarda peýda bolar.
