BMW konserni öz modellerini kem-käsleýin täzeledi. Esasy üýtgeşme goşa turbinaly üç litrlik benzin hereketlendirijileri bilen baglanyşykly boldy – olaryň kuwwaty has artdy, ýangyjyň sarp edilişi bolsa azaldy.
Häzirlikçe täze hereketlendirijiler ikinji, üçünji we dördünji seriýanyň awtomobilleri üçin göz öňünde tutuldy.
Indi 3.0 hereketlendirijisi 392 at güýjüni we 540 Nm aýlanma güýjüni berýär, bu öňküden 18 a.g. we 40 Nm ýokarydyr. Elektrik hereketlendirijisiniň goşandy öňküligine – 12 a.g bolup galdy. Netijede, ulaglar 100 km/sag çenli tizligini öňküden 0,1 sekunt çalt artdyrýar. Ýangyjyň sarp edilişi hem azaldy: mysal üçin, indi BMW M240i kupesi 100 km üçin 8,8 l däl-de, 8 l harçlaýar.
Başga-da käbir üýtgeşmeler bar. Gran Coupe seriýasynyň BMW 2 ulagy üçin täze ýiti ýaşyl reňk elýeterli boldy. Gran Coupe seriýasynyň BMW 4-i we i4 üçin adaptiw faralara yzky lazer çyralary goşuldy. BMW X3-üň yzky oturgyjynyň ýüzi sähel üýtgedildi, 5-nji seriýada bolsa eşik üçin ildirgiçler peýda boldy.
