Kazandan 36 km uzaklykda, Aldermyş obasynyň golaýynda Jon R.R Tolkiniň hyýaly arhitektura dünýäsinden ylhamlanan "hobbit obasy" gurlar. Ol Tengre eko-toplumynyň bir bölegi bolar diýip, “Tatar Inform” neşiri habar berýär.
Myhmanlar diňe bir depeleriň üstünde gurlan jaýlarda däl, eýsem maşgala kottejlerinde we apartamentlerde hem ýerleşdiriler. Bu toplum 40 gektardan gowrak meýdany öz içine alar. Bu ýerde restoranlar, kafeler, çagalaryň oýun meýdançalary we hammamly spa-zolak sauna hem-de üsti açyk, gyzdyrylýan howuz peýda bolar.
Eko-toplumyň tapawutly aýratynlyklaryndan biri - bu ýerde hiç hili awtoulag bolmaz. Bu ýere gelýänler aýlanmak üçin taslamanyň ekologiýa taýdan arassalygyny saklamaga kömek etjek elektrik ulaglaryndan peýdalanarlar.
Bu taslamany Wysokogorskiý etrabynda geçirilen maýa goýum geňeşiniň mejlisinde telekeçi Marsel Zaripowow hödürledi. Toplumyň maýa goýumlary jemi 450 million rubl bolar. Gurluşygyna ýakyn wagtda başlanar.
