Birnäçe ýyl ozal Samsung çeýe ekranly smartfonlaryň segmentinde öňdebaryjy hasaplanýardy. Kompaniýa şeýle smartfonlary uly göwrümli mahabat kampaniýalary arkaly işjeň ösdürýärdi. Netijede, onuň bazardaky orny sarsmajak ýalydy.
Muňa garamazdan, Canalys analitiki kompaniýasynyň maglumatlaryna görä, 2025-nji ýylyň birinji ýarymynda Huawei bazaryň 48%-ini eýeläp, Samsung-dan öňe geçdi. Eplenýän smartfonlaryň bazarynda Samsung-yň paýy bary-ýogy 20% boldy.
Deňeşdirmek üçin: 2024-nji ýylda Samsung-yň paýy 45%, 2023-nji ýylda – 57%, 2022-nji ýylda – 78% boldy. Şol ýyllar Huawei-niň paýy bary-ýogy 14%-di. Häzirki günde eplenýän smartfonlar dünýäniň smartfon bazarynyň diňe 1-1,5%-ini tutýar, ýöne bu ugurda bäsdeşlik barha güýçlenýär.
2022-nji ýyldan 2025-nji ýyllar aralygynda Huawei eplenýän smartfonlaryň birnäçe modelini çykardy. Olaryň arasynda bahasy 4000 dollardan gowrak bolan premium Mate XT Ultimate, 1800 dollarlyk elýeterli Mate X6, 1000 dollarlyk Pura X we 750 dollardan has elýeterli Nova Flip bar.
Bu döwürde Samsung hem öz hataryny ösdürmäge çalyşdy. Bazarda 2000 dollara Galaxy Z Fold 7, 1200 dollara Galaxy Z Flip we bahasy 900 dollardan başlaýan Galaxy Z Flip FE hödürlendi. Geljek ýyl kompaniýa özüniň ilkinji üç ekranly smartfonyny çykarmagy meýilleşdirýär, bu segmentde kompaniýalaryň ornuny üýtgedip biler.
