Hytaýyň Guýçžou welaýatynda awtomobil hereketi üçin Huaszýan jülgesiniň üstünden geçýän asma köpri açyldy. Köpriniň ýol düşeginden Beýpan derýasynyň akýan jülgesiniň düýbüne çenli aralyk 625 metr boldy, bu hem ony dünýäde iň beýik köprä öwürýär diýip, CNA habar berýär.
Köpriniň gurluşygy üç ýyl we dokuz aý dowam etdi, taslamanyň bahasy bolsa 2 mlrd ýuana (takmynan, 280 mln ABŞ dollary) ýetdi. Desganyň uzynlygy 2,9 km barabar.
Ýerli häkimiýetleriň maglumatlaryna görä, täze köpri jülgäniň bir tarapyndan beýlekisine geçmegiň wagtyny iki sagatdan iki minuta çenli azaldýar. Onuň açylmagy sebitdäki ulag aragatnaşygyny kämilleşdirip, ykdysady we sosial ösüşe ýardam eder.
Şol welaýatda beýiklik boýunça dünýä rekordynyň öňki eýesi – Duge köprüsi (565 m) ýerleşýär. Resmi maglumatlara görä, dünýädäki iň beýik 100 köpriniň ýarysy diýen ýaly Guýçžou welaýatynda ýerleşendir.
