Hytaýyň internet düzgünleşdirijisi sosial ulgamlarda post ýerleşdirmegiň düzgünlerini berkitdi. Indi ulanyjylara nägilelik we iňirdemek ýaly pessimistik kontentleri paýlaşmak gadagan edilýär diýip, Reuters agentligi habar berýär.
Hususan-da, agyr işiň ýa-da okuwyň peýdasyzdygyny öňe sürýän, şeýle-de, häkimiýetleriň pikiriçe, negatiw duýgyny güýçlendirýän we durmuşa ýigrenç garaýşy döredýän postlar gadagan edilýär.
Mundan başga-da, düzgünleşdiriji aýry-aýry negatiw hadysalary çişirýän materiallary yzarlar. Häkimiýetleriň pikiriçe, şeýle gözegçilik wakalaryň ýoýulmagyna, dildüwşük teoriýasyna we hytaý ykdysadyýetiniň gowşaklygy baradaky myş-myşlara garşy göreşmäge kömek etmeli.
Zorlugy ýa-da duşmançylygy öňe sürýän publikasiýalar hem çäklendirmelere sezewar ediler. Diňe bir postlar däl, eýsem ulanyjylaryň teswirleri-de barlanar. Şol sanda häkimiýetler muşdaklaryň dawalarynyň we adamlaryň şahsy maglumatlaryny olaryň razylygy bolmazdan aýan etmegiň öňüni almaga wada berýär.
Bilermenleriň aýtmagyna görä, düzgünleşdirijiniň talaplary sosial ulgamlaryň öz düzgünlerinden has berk bolar. Häkimiýetler güýçli çekişmeleriň jemgyýeti durnuksyzlaşdyrmagyndan howatyrlanýar.
