Amerikanyň Federal Söwda Komissiýasy (FTC) Amazon kompaniýasyny müşderileri aldaw bilen Prime abunasyna goşandygy üçin jogapkärçilige çekdi. Netijede kompaniýa 2,5 milliard dollar möçberinde jerime tölär.
Şol puluň 1 milliardy ABŞ hökümetine jerime hökmünde, 1,5 milliardy bolsa zyýan çeken müşderilere öwez tölegi hökmünde berler.
FTC-niň maglumatyna görä, Amazon köp ýyllap ulanyjylary ýörite razylygyny almazdan Prime hyzmatyna awtomatiki goşupdyr. Bu hyzmatyň bahasy ýylda 139 dollar, oňa mugt eltip berme, Amazon wideo hyzmaty we beýleki aýratynlyklar girýär.
Amazon-yň özi aýyplamalary ret edýär. Kompaniýanyň aýtmagyna görä, müşderileri habarly etmek üçin ulanylýan usullar pudakdaky kadalara laýyk, abuna ýazylmak prosesi bolsa köpçülik üçin düşnüklidir.
