Ýewropanyň iň uly awtoöndürijileriniň biri bolan Volkswagen elektromobil önümçiliginiň möçberini azaldýar we Germaniýadaky iki zawodynyň işini wagtlaýyn togtadýar.
Kompaniýanyň wekiliniň aýtmagyna görä, Swikkaudaky zawod 6-njy oktýabrdan başlap bir hepdelik awtomobil önümçiligini bes eder. Munuň sebäbi Audi Q4 e-tron elektromobiliniň satuwynyň pes bolmagy boldy.
Bloomberg-iň maglumatlaryna görä, Emdendäki zawodda eýýäm işgärleriň iş wagty azaldyldy we ýakyn günlerde ol ýerde hem önümçilik hatarlarynyň wagtlaýyn saklanmagyna garaşylýar.
Geçen hepde Volkswagen 5,1 mlrd ýewro (takmynan, 6 mlrd ABŞ dollary) möçberde maliýe ýitgisi barada habar berdi. Ol Porsche AG zawodynda elektromobil önümçiliginiň gijikdirilmegi bilen baglanyşykly boldy. Ýagdaýa islegiň peselmegi, hytaý öndürijileri tarapyndan bäsdeşligiň güýçlenmegi we ABŞ-da gümrük paçlarynyň ýokarlanmagy hem täsir etdi.
