General Motors kompaniýasynyň dizaýnerleri geljegiň elektromobilçiligine bolan garaýşyny görkezýän taslamalaryň toparyny tanyşdyrdylar. P1-den P5-e çenli indekslenen konseptler — sportkaradan başlap, ýolagçy ulagyna, hatda uçýan maşyna çenli dürli ulag görnüşlerini öz içine alýar diýip, Carscoops ýazýar.
Bu nusgalaryň fiziki maketlerini Floridadaky Disney seýilgähinde görkezmek meýilleşdirilýär.
P1 konsepti açyk tekerli, uzaldylan kuzowly, potology bolmadyk sportkar bolup, yzky böleginde güýçli howpsuzlyk arkalygy bilen enjamlaşdyrylandyr.
P2 konsepti gapylaryň sany boýunça P1-e meňzeýär, ýöne teker arkalarynyň ýapyk bolan diýen ýaly bir göwrümli kuzowy bar we döredijileriň pikiri boýunça doly "awtopilot" ulgamyna eýedir.
P3 ýa-da Utility Concept söwda maksatly ulanyş üçin döredildi: bu şäher ýük daşamak üçin futuristik furgondyr. Ol P2-den beýik we onuň teker arkalary has burçludyr.
P4 konsepti bu dizaýnyň indiki ösüşidir: kapsula görnüşli kuzow başga asma ulgamynyň üstünde ýerleşdirilipdir we güýçli protektory bolan tekerler bilen üpjün edilipdir. Ony geljekde ýolagçy ulagynyň prototipi hökmünde kabul etmek mümkin.
P5 konsepti bolsa GM-niň howa ulagynyň ösüşine bolan garaýşyny görkezýär: tekerleriň ýerine damja görnüşli kapsulanyň daşyna dört sany per bolupdyr.
Häzirlikçe General Motors bu konseptleri söwda önümlerine öwrüp-öwürmezligi belli däl.
