Meta-nyň baş direktory Mark Sukerberg Instagram sosial ulgamynyň indi aýda üç milliarddan gowrak işjeň ulanyjysynyň bardygyny habar berdi. Şeýlelikde, platforma şu ýyl üç milliard aýlyk ulanyjy görkezijisinden geçen Facebook bilen WhatsApp sosial ulgamlarynyň yzyndan ýetdi.
Bu netijäni Instagram 2022-nji ýylyň oktýabrynda ulanyjylarynyň sany iki milliarddan geçenden soň iki ýyldan az wagtyň içinde gazandy. CNBC-niň belleýşi ýaly, Sukerberg jemgyýetiň ösüşini “haýran galdyryjy” diýip atlandyrdy.
2024-nji ýylyň aprelinde Meta indi öz programmalarynyň her biri boýunça ulanyjy sany barada aýratyn maglumatlary bermejekdigini aýtdy. Indi kompaniýa ähli hyzmatlarynda gündelik işjeň ulanyjylaryň sany barada hasabat berýär. Iýulda bu görkeziji 3,48 milliard bolup, 3,45 milliarda garaşan analitikleriň çaklamasyndan ýokary boldy.
