Xiaomi täze 15T we 15T Pro smartfonlarynyň global tanyşdyrylyşyny geçirdi.
Smartfonlaryň ikisi-de ýokary segmente degişli bolup, Leica kameralary, uly AMOLED ekranlary we IP68 ülňüsi boýunça suwdan we tozandan gorag bilen üpjün edildi. Ekrany mehaniki zeper ýetmelerden Corning Gorilla Glass 7i aýnasy goraýar.
Modelleriň esasy tapawudy prosessorlar boldy: 15T smartfony Dimensity 8400-Ultra, Pro wersiýasy bolsa has kuwwatly Dimensity 9400+ bilen enjamlaşdyryldy. Smartfonlaryň ikisi-de emeli aň funksiýalaryny goldaýar.
Smartfonlar optiki durnuklaşdyrma bilen üç esasy kamera we 32 Mp frontal kamera eýe boldy. Pro wersiýada 8K formatda wideo düşürip bolýar.
Täze smartfonlaryň özboluşly funksiýasy rasiýa režimi boldy. Iki sany 15T Pro öýjükli aragatnaşyk we Wi-Fi bolmazdan 2 km çenli aralykda biri-biri bilen habarlaşyp bilýär. Esasy modelde radius 1,3 km bilen çäklenýär.
Xiaomi 15T-niň bahasy 12/256 GB wersiýa üçin 649,90 ýewro we 512 GB ýatly model üçin 699,90 ýewro barabar. Xiaomi 15T Pro-nyň bahasy 799,9 ýewrodan başlaýar we 1 TB wersiýa üçin 999,9 ýewro ýetýär.
Ilkinji alyjylar Redmi Pad Pro 2 planşetini, 150 ýewrolyk arzanladyş kuponyny we 3 aýlyk Spotify Premium ýazylyşygyny sowgat alar.
