JerryRigEverything ady bilen tanalýan YouTube blogeri Zak Nelson bu gezek iPhone 17 Pro we 17 Pro Max smartfonlarynyň berkligini barlady. Täze modellerde Apple titandan ýüz öwrüp, korpusy alýumin böleginden ýasady.
Smartfon çykandan soň ulanyjylar internet torunda yzky paneliň aňsatlyk bilen çyzylýandygyndan zeýrenip başlady. Nelson muny barlamak kararyna geldi: teňňe we açar, hakykatdan-da, anodirlenen alýuminden ýasalan korpusda, aýratynam, burçlarda yz galdyrdy. Şeýle-de, bloger smartfony stola sürtüp gördi, ýöne bu zyýan ýetirmedi.
Yzky paneldäki birinji nesil Ceramic Shield aýnasy has durnukly boldy. Açaryň we teňňäniň yzlary onda diňe wagtlaýyn galýar we aňsat bozulýar. Alýumin gapdal gyralary hem ejiz gelýär – olary päki bilen çyzmak başartdy, ýöne düwmeler ýerinden gaçmady.
Bu modelde ikinji nesil Ceramic Shield aýnasy bilen goralýan displeý çynlakaý barlagdan geçdi: çyzyklar Moos şkalasy boýunça diňe sekizinji derejede peýda boldy. Ekran oduň täsirine-de çydady.
Smartfony egreltmek synanyşygy hem başa barmady – ne iPhone 17 Pro, ne-de 17 Pro Max boýun egdi. Bu korpusyň esasy artykmaçlygy boldy.
Ozal bloger Apple-iň taryhynda iň inçe smartfon bolan iPhone Air-i berklik synagyndan geçirdi.
